pancadEvatA stuti – 5 of 5 – vArAhi stOtram

This is the last in the series of pancadEvatA stuti. There are two components of vArAhi stOtram – anugrahaM and nigrahaM. They are both aShTakaMs and are chanted during pancadEvatA AvaraNam and also during the vArAhi navarAtri. The first half of the navarAtri is considered anugrahaM and the later half is considered nigrahaM.

This stuti of vArAhi is included in nityOtsavA in the vArAhi kramA.

vArAhi stOtram

वाराही स्तोत्रम्

अनुग्रहाष्टकम्

कुवलयनिभा कौशेयार्घोरुका मुकुटोज्ज्वला
हलमुसलिनी सद्भक्तेभ्यो वराभयदायिनी।
कपिलनयना मध्ये क्षामा कठोरघनस्तनी
जयति जगतां मातः सा ते वराहमुखी तनुः॥ १॥

तरति विपदो घोरा दूरात्परिह्रियते भय-
स्खलितमतिभिर्भूतप्रेतैः स्वयं व्रियते श्रिया।
क्षपयति रिपूनीष्टे वाचां रणे लभते जयं
वशयति जगत्सर्वं वाराहि यस्त्वयि भक्तिमान्॥ २॥

स्तिमित गतयस्सीदद्वाचः परिच्युतहेतयः
क्षुभितहृदयास्सध्यो नश्यद्दृशो गलितौर्जसः।
भयपरवशा भग्नोत्साहाः पराहतपौरुषाः
भगवति पुरस्त्वद्भक्तानां भवन्ति विरोधिनः॥ ३॥

किसलयमृदुर्हस्तः क्लिश्येत कन्दुकलीलया
भगवति महाभारः क्रीडासरोरुहमेव ते।
तदपि मुसलं धत्से हस्ते हलं समयद्रुहां
हरसि च तदाघातैः प्राणानहो तव साहसं॥४॥

जननि नियतस्थाने त्वद्वामदक्षिणपार्श्वयोः
मृदु भुज लतामन्दा क्षेपप्रणर्तितचामरे।
सततमुदिते गुह्याचारद्रुहां रुधिरासवै -
रूपशमयतां शत्रून् सर्वानुभे मम दैवते॥५॥

हरतु दुरितं क्षेत्राधीशः स्वशासनविद्विषां
रुधिरमदिरामत्तः प्राणोपहार बलिप्रियः।
अविरतचटत्कुर्वदृंष्ट्रास्थि कोटिरटन्मुखो
भगवति स ते चण्डोच्चण्डः सदा पुरतः स्थितः॥६॥

क्षुभित मकरैर्वीचीहस्तोपरुद्धपरस्परै-
श्चतुरुदधिभिः क्रान्ता कल्पान्तदुर्ललितोदकैः।
जननि कथमुत्तिष्ठेत् पाताल सर्प बिलादिला
तव तु कुटिले दंष्ट्राकोटी न चेदवलम्बनम्॥ ७॥

तमसि बहुले शून्याटव्यां पिशाचनिशाचर -
प्रथमकलहे चोरव्याघ्रोरगद्विपसङ्कटे।
क्षुभितमनसः क्षुद्रस्यैकाकिनोऽपि कृतो भयं
सकृदपि मुखे मातस्त्वन्नाम सन्निहितं यदि॥ ८॥

विदितविभवं हृध्यैः पध्यैर्वराहमुखीस्तवं
सकलफलदं पूर्णं मन्त्राक्षरैरिममेव यः।
पठति स पटुः प्राप्नोत्यायुश्चिरं कवितां प्रियां
सुतसुखधनारोग्यं कीर्तिं श्रियं जयमुर्वराम्॥ ९॥

निग्रहाष्टकम्

देवि क्रोडमुखि त्वदङ्घ्रिकमल द्वन्द्वानुषक्तात्मने
मह्यं द्रुह्यति यो महेशि मनसा कायेन वाचा नरः।
तस्याध्य त्वदयोऽग्रनिष्टुरहलाघातप्रभूतव्यथा -
पर्यस्यन्मनसो भवन्तु वपुष प्राणाः प्रयाणोन्मुखाः॥१॥

देवि त्वत्पदपद्मभक्तिविभव प्रक्षीणदुष्कर्मणि
प्रादुर्भूतनृशंसभावमलिनां वृत्तिं विधत्ते मयि।
यो देही भुवने तदीयहृदयान्निर्गत्वरैर्लोहितैः
सध्यः पूरयसे कराब्जचषकं वाञ्चाफलैर्मामपि॥२॥

चण्डोच्चण्डमखण्डदुष्टहृदयप्रोक्षिप्तरक्तच्छटा-
हालापानमदाट्टहासजनिताटोपप्रतापोत्कटम्।
मातर्मत्परिपन्थिनामपहृतैः प्राणैस्त्वदङ्घ्रिद्वय -
ध्यानोद्धामरवैर्भवोदयवशात् सन्तर्पयामि क्षणात्॥३॥

वाराहि व्यथमानमानसगलत्संज्ञं त्वदाज्ञाबलात्
सीदद्धैर्यमपाकृताद्ध्यवसितं प्राप्ताखिलार्थाहतिम्।
क्रन्दद्बन्धुजनं कलङ्कितकुलं कण्ठे व्रणोद्ध्यत्कृमि
पश्यामि प्रतिपक्षमाशु सततं शान्तं लुठन्तं पुनः॥४॥

वाराहि त्वमशेषजन्तुषु पुनः प्राणात्मिका स्पन्दसे
शक्तिव्याप्त चराचरामिह खलु त्वामेतदभ्यर्थये।
त्वत्पादाम्बुजसङ्गिनो मम सकृत् पापं चिकीर्षन्ति ये
तेषां त्वं कुरु शङ्करप्रियतमे देहान्तरावस्थितिम्॥ ५॥

विश्वाधीश्वर वल्लभे विजयसे या त्वं नियत्यात्मिके
भूतानां पुरुषायुषावधिकरी पाकप्रदा कर्मणां।
तां याचे भवतीं किमप्यवितथं योऽस्मद्विरोधी जन -
स्तस्यायुर्मम वाञ्छितावधि भवेन्मातस्तवैवाज्ञया॥६॥

मातस्सम्यगुपासितुं जडमतिस्त्वां नाद्ध्य शक्नोम्यहं
यद्ध्यप्यङ्चित देशिकाङ्घ्नि कमलानुक्रोशपात्रस्य मे।
जन्तुः कङ्चन चिन्तयत्यकुशलं यस्तस्य तद्वैशसं
भूयाद्धेवि विरोधिनो मम च ते श्रेयः पदा सङ्गिनः॥ ७॥

श्यामं तामर सारूणत्रिनयनां सोमार्धचूडां जग -
त्राणव्यग्रहलामुदग्रमुसलामत्रस्तमुद्रावतीं।
ये त्वां रक्तकपालिनीं शिव वरारोहे वराहाननां
भावे सन्दधते कथं क्षणमपि प्राणन्ति तेषां द्विषः॥८॥

vārāhīstotram

anugrahāṣṭakam

kuvalayanibhā kauśeyārghorukā mukuṭojjvalā
halamusalinī sadbhaktebhyo varābhayadāyinī|
kapilanayanā madhye kṣāmā kaṭhoraghanastanī
jayati jagatāṁ mātaḥ sā te varāhamukhī tanuḥ|| 1||

tarati vipado ghorā dūrātparihriyate bhaya-
skhalitamatibhirbhūtapretaiḥ svayaṁ vriyate śriyā|
kṣapayati ripūnīṣṭe vācāṁ raṇe labhate jayaṁ
vaśayati jagatsarvaṁ vārāhi yastvayi bhaktimān|| 2||

stimita gatayassīdadvācaḥ paricyutahetayaḥ
kṣubhitahṛdayāssadhyo naśyaddṛśo galitaurjasaḥ|
bhayaparavaśā bhagnotsāhāḥ parāhatapauruṣāḥ
bhagavati purastvadbhaktānāṁ bhavanti virodhinaḥ|| 3||

kisalayamṛdurhastaḥ kliśyeta kandukalīlayā
bhagavati mahābhāraḥ krīḍāsaroruhameva te|
tadapi musalaṁ dhatse haste halaṁ samayadruhāṁ
harasi ca tadāghātaiḥ prāṇānaho tava sāhasaṁ||4||

janani niyatasthāne tvadvāmadakṣiṇapārśvayoḥ
mṛdu bhuja latāmandā kṣepapraṇartitacāmare|
satatamudite guhyācāradruhāṁ rudhirāsavai -
rūpaśamayatāṁ śatrūn sarvānubhe mama daivate||5||

haratu duritaṁ kṣetrādhīśaḥ svaśāsanavidviṣāṁ
rudhiramadirāmattaḥ prāṇopahāra balipriyaḥ|
aviratacaṭatkurvadṛṁṣṭrāsthi koṭiraṭanmukho
bhagavati sa te caṇḍoccaṇḍaḥ sadā purataḥ sthitaḥ||6||

kṣubhita makarairvīcīhastoparuddhaparasparai-
ścaturudadhibhiḥ krāntā kalpāntadurlalitodakaiḥ|
janani kathamuttiṣṭhet pātāla sarpa bilādilā
tava tu kuṭile daṁṣṭrākoṭī na cedavalambanam|| 7||

tamasi bahule śūnyāṭavyāṁ piśācaniśācara -
prathamakalahe coravyāghroragadvipasaṅkaṭe|
kṣubhitamanasaḥ kṣudrasyaikākino'pi kṛto bhayaṁ
sakṛdapi mukhe mātastvannāma sannihitaṁ yadi|| 8||

viditavibhavaṁ hṛdhyaiḥ padhyairvarāhamukhīstavaṁ
sakalaphaladaṁ pūrṇaṁ mantrākṣarairimameva yaḥ|
paṭhati sa paṭuḥ prāpnotyāyuściraṁ kavitāṁ priyāṁ
sutasukhadhanārogyaṁ kīrtiṁ śriyaṁ jayamurvarām|| 9||

nigrahāṣṭakaṁ

devi kroḍamukhi tvadaṅghrikamala dvandvānuṣaktātmane
mahyaṁ druhyati yo maheśi manasā kāyena vācā naraḥ|
tasyādhya tvadayo'graniṣṭurahalāghātaprabhūtavyathā -
paryasyanmanaso bhavantu vapuṣa prāṇāḥ prayāṇonmukhāḥ||1||

devi tvatpadapadmabhaktivibhava prakṣīṇaduṣkarmaṇi
prādurbhūtanṛśaṁsabhāvamalināṁ vṛttiṁ vidhatte mayi|
yo dehī bhuvane tadīyahṛdayānnirgatvarairlohitaiḥ
sadhyaḥ pūrayase karābjacaṣakaṁ vāñcāphalairmāmapi||2||

caṇḍoccaṇḍamakhaṇḍaduṣṭahṛdayaprokṣiptaraktacchaṭā-
hālāpānamadāṭṭahāsajanitāṭopapratāpotkaṭam|
mātarmatparipanthināmapahṛtaiḥ prāṇaistvadaṅghridvaya -
dhyānoddhāmaravairbhavodayavaśāt santarpayāmi kṣaṇāt||3||

vārāhi vyathamānamānasagalatsaṁjñaṁ tvadājñābalāt
sīdaddhairyamapākṛtāddhyavasitaṁ prāptākhilārthāhatim|
krandadbandhujanaṁ kalaṅkitakulaṁ kaṇṭhe vraṇoddhyatkṛmi
paśyāmi pratipakṣamāśu satataṁ śāntaṁ luṭhantaṁ punaḥ||4||

vārāhi tvamaśeṣajantuṣu punaḥ prāṇātmikā spandase
śaktivyāpta carācarāmiha khalu tvāmetadabhyarthaye|
tvatpādāmbujasaṅgino mama sakṛt pāpaṁ cikīrṣanti ye
teṣāṁ tvaṁ kuru śaṅkarapriyatame dehāntarāvasthitim|| 5||

viśvādhīśvara vallabhe vijayase yā tvaṁ niyatyātmike
bhūtānāṁ puruṣāyuṣāvadhikarī pākapradā karmaṇāṁ|
tāṁ yāce bhavatīṁ kimapyavitathaṁ yo'smadvirodhī jana -
stasyāyurmama vāñchitāvadhi bhavenmātastavaivājñayā||6||

mātassamyagupāsituṁ jaḍamatistvāṁ nāddhya śaknomyahaṁ
yaddhyapyaṅcita deśikāṅghni kamalānukrośapātrasya me|
jantuḥ kaṅcana cintayatyakuśalaṁ yastasya tadvaiśasaṁ
bhūyāddhevi virodhino mama ca te śreyaḥ padā saṅginaḥ|| 7||

śyāmaṁ tāmara sārūṇatrinayanāṁ somārdhacūḍāṁ jaga -
trāṇavyagrahalāmudagramusalāmatrastamudrāvatīṁ|
ye tvāṁ raktakapālinīṁ śiva varārohe varāhānanāṁ
bhāve sandadhate kathaṁ kṣaṇamapi prāṇanti teṣāṁ dviṣaḥ||8||

வாராஹீ ஸ்தோத்ரம்

அனுக்ரஹாஷ்டகம்

குவலயனிபா கௌஶேயார்கோருகா முகுடோஜ்ஜ்வலா
ஹலமுஸலினீ ஸத்பக்தேப்யோ வராபயதாயினீ|
கபிலனயனா மத்யே க்ஷாமா கடோரகனஸ்தனீ
ஜயதி ஜகதாம் மாத: ஸா தே வராஹமுகீ தனு:|| ௧||

தரதி விபதோ கோரா தூராத்பரிஹ்ரியதே பய-
ஸ்கலிதமதிபிர்பூதப்ரேதை: ஸ்வயம் வ்ரியதே ஶ்ரியா|
க்ஷபயதி ரிபூனீஷ்டே வாசாம் ரணே லபதே ஜயம்
வஶயதி ஜகத்ஸர்வம் வாராஹி யஸ்த்வயி பக்திமான்|| ௨||

ஸ்திமித கதயஸ்ஸீதத்வாச: பரிச்யுதஹேதய:
க்ஷுபிதஹ்ருதயாஸ்ஸத்யோ நஶ்யத்த்ருஶோ கலிதௌர்ஜஸ:|
பயபரவஶா பக்னோத்ஸாஹா: பராஹதபௌருஷா:
பகவதி புரஸ்த்வத்பக்தானாம் பவந்தி விரோதின:|| ௩||

கிஸலயம்ருதுர்ஹஸ்த: க்லிஶ்யேத கந்துகலீலயா
பகவதி மஹாபார: க்ரீடாஸரோருஹமேவ தே|
ததபி முஸலம் தத்ஸே ஹஸ்தே ஹலம் ஸமயத்ருஹாம்
ஹரஸி ச ததாகாதை: ப்ராணானஹோ தவ ஸாஹஸம்||௪||

ஜனனி நியதஸ்தானே த்வத்வாமதக்ஷிணபார்ஶ்வயோ:
ம்ருது புஜ லதாமந்தா க்ஷேபப்ரணர்திதசாமரே|
ஸததமுதிதே குஹ்யாசாரத்ருஹாம் ருதிராஸவை -
ரூபஶமயதாம் ஶத்ரூன் ஸர்வானுபே மம தைவதே||௫||

ஹரது துரிதம் க்ஷேத்ராதீஶ: ஸ்வஶாஸனவித்விஷாம்
ருதிரமதிராமத்த: ப்ராணோபஹார பலிப்ரிய:|
அவிரதசடத்குர்வத்ரும்ஷ்ட்ராஸ்தி கோடிரடன்முகோ
பகவதி ஸ தே சண்டோச்சண்ட: ஸதா புரத: ஸ்தித:||௬||

க்ஷுபித மகரைர்வீசீஹஸ்தோபருத்தபரஸ்பரை-
ஶ்சதுருததிபி: க்ராந்தா கல்பாந்ததுர்லலிதோதகை:|
ஜனனி கதமுத்திஷ்டேத் பாதால ஸர்ப பிலாதிலா
தவ து குடிலே தம்ஷ்ட்ராகோடீ ந சேதவலம்பனம்|| ௭||

தமஸி பஹுலே ஶூன்யாடவ்யாம் பிஶாசனிஶாசர -
ப்ரதமகலஹே சோரவ்யாக்ரோரகத்விபஸங்கடே|
க்ஷுபிதமனஸ: க்ஷுத்ரஸ்யைகாகினோ&பி க்ருதோ பயம்
ஸக்ருதபி முகே மாதஸ்த்வன்னாம ஸன்னிஹிதம் யதி|| ௮||

விதிதவிபவம் ஹ்ருத்யை: பத்யைர்வராஹமுகீஸ்தவம்
ஸகலபலதம் பூர்ணம் மந்த்ராக்ஷரைரிமமேவ ய:|
படதி ஸ படு: ப்ராப்னோத்யாயுஶ்சிரம் கவிதாம் ப்ரியாம்
ஸுதஸுகதனாரோக்யம் கீர்திம் ஶ்ரியம் ஜயமுர்வராம்|| ௯||

நிக்ரஹாஷ்டகம்

தேவி க்ரோடமுகி த்வதங்க்ரிகமல த்வந்த்வானுஷக்தாத்மனே
மஹ்யம் த்ருஹ்யதி யோ மஹேஶி மனஸா காயேன வாசா நர:|
தஸ்யாத்ய த்வதயோ&க்ரனிஷ்டுரஹலாகாதப்ரபூதவ்யதா -
பர்யஸ்யன்மனஸோ பவந்து வபுஷ ப்ராணா: ப்ரயாணோன்முகா:||௧||

தேவி த்வத்பதபத்மபக்திவிபவ ப்ரக்ஷீணதுஷ்கர்மணி
ப்ராதுர்பூதன்ருஶம்ஸபாவமலினாம் வ்ருத்திம் விதத்தே மயி|
யோ தேஹீ புவனே ததீயஹ்ருதயான்னிர்கத்வரைர்லோஹிதை:
ஸத்ய: பூரயஸே கராப்ஜசஷகம் வாஞ்சாபலைர்மாமபி||௨||

சண்டோச்சண்டமகண்டதுஷ்டஹ்ருதயப்ரோக்ஷிப்தரக்தச்சடா-
ஹாலாபானமதாட்டஹாஸஜனிதாடோபப்ரதாபோத்கடம்|
மாதர்மத்பரிபந்தினாமபஹ்ருதை: ப்ராணைஸ்த்வதங்க்ரித்வய -
த்யானோத்தாமரவைர்பவோதயவஶாத் ஸந்தர்பயாமி க்ஷணாத்||௩||

வாராஹி வ்யதமானமானஸகலத்ஸம்ஜ்ஞம் த்வதாஜ்ஞாபலாத்
ஸீதத்தைர்யமபாக்ருதாத்த்யவஸிதம் ப்ராப்தாகிலார்தாஹதிம்|
க்ரந்தத்பந்துஜனம் கலங்கிதகுலம் கண்டே வ்ரணோத்த்யத்க்ருமி
பஶ்யாமி ப்ரதிபக்ஷமாஶு ஸததம் ஶாந்தம் லுடந்தம் புன:||௪||

வாராஹி த்வமஶேஷஜந்துஷு புன: ப்ராணாத்மிகா ஸ்பந்தஸே
ஶக்திவ்யாப்த சராசராமிஹ கலு த்வாமேததப்யர்தயே|
த்வத்பாதாம்புஜஸங்கினோ மம ஸக்ருத் பாபம் சிகீர்ஷந்தி யே
தேஷாம் த்வம் குரு ஶங்கரப்ரியதமே தேஹாந்தராவஸ்திதிம்|| ௫||

விஶ்வாதீஶ்வர வல்லபே விஜயஸே யா த்வம் நியத்யாத்மிகே
பூதானாம் புருஷாயுஷாவதிகரீ பாகப்ரதா கர்மணாம்|
தாம் யாசே பவதீம் கிமப்யவிததம் யோ&ஸ்மத்விரோதீ ஜன -
ஸ்தஸ்யாயுர்மம வாஞ்சிதாவதி பவேன்மாதஸ்தவைவாஜ்ஞயா||௬||

மாதஸ்ஸம்யகுபாஸிதும் ஜடமதிஸ்த்வாம் நாத்த்ய ஶக்னோம்யஹம்
யத்த்யப்யங்சித தேஶிகாங்க்னி கமலானுக்ரோஶபாத்ரஸ்ய மே|
ஜந்து: கங்சன சிந்தயத்யகுஶலம் யஸ்தஸ்ய தத்வைஶஸம்
பூயாத்தேவி விரோதினோ மம ச தே ஶ்ரேய: பதா ஸங்கின:|| ௭||

ஶ்யாமம் தாமர ஸாரூணத்ரினயனாம் ஸோமார்தசூடாம் ஜக -
த்ராணவ்யக்ரஹலாமுதக்ரமுஸலாமத்ரஸ்தமுத்ராவதீம்|
யே த்வாம் ரக்தகபாலினீம் ஶிவ வராரோஹே வராஹானனாம்
பாவே ஸந்தததே கதம் க்ஷணமபி ப்ராணந்தி தேஷாம் த்விஷ:||௮||

Author: purna_admin

Leave a Reply

Your email address will not be published.